مرکزی صفحہ آپکا اردو باباجو سب عروجِ شوق کے تھے
آپکا اردو بابااردو غزلیاتایمان ندیم ملکشعر و شاعری

جو سب عروجِ شوق کے تھے

از ایمان ندیم ملک
از ایمان ندیم ملک 0 تبصرے 61 مناظر

جو سب عروجِ شوق کے تھے سلسلے کدھر گئے
وہ مستیاں کدھر گئیں ، وہ قہقہے کدھر گئے

ہمیں تو عہدِ ہجر کا نشان تک نہیں ملا
وہ بے رخی ، وہ جاں کنی ، وہ فاصلے کدھر گئے

یہ اشک کب رہا ہوۓ درونِ جاں کی قید سے
دریدہ دل! چٹان سے وہ حوصلے کدھر گئے

سبھی زبانیں کس لیے ہمارے حق میں ہو گئیں؟
ہمارے بارے جن کو تھے مغالطے ، کدھر گئے

کس اجنبی ڈگر پہ چل پڑی ہے عمرِ رائیگاں
جو تیرے گرد گھومتے تھے راستے کدھر گئے

بدل گئے ہیں حسن و عشق کے پرانے قاعدے
دل و نظر کے باحیا سے ضابطے کدھر گئے

کہاں سے اٹھ کے آگئے ہیں نفرتوں کے کارواں
مراسموں کے الفتوں کے قافلے کدھر گئے

دلوں سے کس لیے یقینِ حق اٹھا لیا گیا
وہ رب سے تھے جو ایک نس پہ رابطے کدھر گئے

ایمان ندیم ملک

آپ کو یہ پسند ہو سکتا ہے۔

متعلقہ پوسٹس

غم کا فسانہ

سوچتے رہنے کی ازیت سے بھی نکلے نہیں ہیں

اک تجسس دل میں ہے

داد کب ضبطِ مسلسل پہ

مرے چاند رک مری بات سن

عجیب ڈھنگ سے میں نے یہاں گزارا کیا

پرندے اور کوئی دم میں جلنے والے تھے

ہنر کی بات کسی کم ہنر سے کیا کرتے

گر اس کا سلسلہ بھی عمر جاوداں سے ملے

دشت جنوں میں غم کا جرس بولنے لگا

ایک تبصرہ چھوڑیں

اگلی بار جب میں تبصرہ کروں تو اس براؤزر میں میرا نام، ای میل اور ویب سائٹ محفوظ کریں۔