مرکزی صفحہ اردو غزلیاتدل خراب کے احکام ٹھیک لگنے لگے
اردو غزلیاتشعر و شاعریکومل جوئیہ

دل خراب کے احکام ٹھیک لگنے لگے

از سائیٹ ایڈمن
از سائیٹ ایڈمن 0 تبصرے 101 مناظر

دل خراب کے احکام ٹھیک لگنے لگے
لئے جو فیصلے ناکام ٹھیک لگنے لگے

مرا شمار انہی سرپھروں میں ہوتا ہے
جنہیں اداسی سر شام ٹھیک لگنے لگے

سماعتوں کو خموشی کی وہ اذیت دو
کہ اردگرد کا کہرام ٹھیک لگنے لگے

ہماری خاک پہ کوزہ گروں نے محنت کی
تو تب یہ فرق پڑا دام ٹھیک لگنے لگے

چلوں تو دل کہے رک جائے گھومتی دنیا
رکوں تو گردش ایام ٹھیک لگنے لگے

ہماری ٹوٹنے کے بعد ایسی حالت ہے
کہ گھر کے خستہ در و بام ٹھیک لگنے لگے

کبھی لگے نہیں مجھ سے برا سلوک ہوا
کبھی کہانی کا انجام ٹھیک لگنے لگے

غلط کو اتنے تسلسل سے ٹھیک کہتے رہو
کہ جو غلط ہو وہی کام ٹھیک لگنے لگے

کومل جوئیہ

آپ کو یہ پسند ہو سکتا ہے۔

متعلقہ پوسٹس

نہ رنجشیں، نہ شکایت ہے

نظروں سے بصیرت کی نہاں

ذہن کی نسوں میں وہ سوچ کو سجاتا ہے

اگر دونوں طرف سورج ترازو میں نہیں ہوتا

پھر وہی رات

کیا کہیں کچھ کہا نہیں جاتا

اک درد کہن آنکھ سے دھویا نہیں جاتا

اور روشن رہِ سفرکردو

نئے طور سیکھے نکالے ڈھب اور

اب بھی خاموش اگر ھو

ایک تبصرہ چھوڑیں

اگلی بار جب میں تبصرہ کروں تو اس براؤزر میں میرا نام، ای میل اور ویب سائٹ محفوظ کریں۔