مرکزی صفحہ اردو غزلیاتبے پَر کی جب سے
اردو غزلیاتشعر و شاعریعمران عامی

بے پَر کی جب سے

عمران عامی کی ایک اردو غزل

از سائیٹ ایڈمن
از سائیٹ ایڈمن 0 تبصرے 423 مناظر

بے پَر کی جب سے لوگ اُڑانے میں لگ گئے
ہم بھی ہَوا کا ہاتھ بٹانے میں لگ گئے

اِن مفتیانِ شہر سے جب کچھ نہیں بَنا
لوگوں کو دِین دار بنانے میں لگ گئے

خواجہ سَرا نے رات ‘ وہ خواجہ سَرائی کی
شاہ و گدا بھی ‘ ناچنے گانے میں لگ گئے

اِس دشت کو چراغ نہیں ‘ پھول چاہییں
اور آپ ہیں کہ ‘ خاک اڑانے میں لگ گئے

سورج کے پاس بیٹھ گئی کیا دئیے کی لَو
سیّارگاں تو حشر اُٹھانے میں لگ گئے

پانی سے اِک چراغ جلانے کی چاہ میں
کچھ لوگ اپنے خواب بُجھانے میں لگ گئے

کل رات آسمان پر اِک حادثہ ہوا
اور ہم زمیں کے بھاؤ بڑھانے میں لگ گئے

عمران عامی

آپ کو یہ پسند ہو سکتا ہے۔

متعلقہ پوسٹس

محبت رفتہ رفتہ مر رہی ہے

میلہ ہے بستی میں دو دن

انتہا ہونے سے پہلے سوچ لے

ہے آگ کا سا نالۂ کاہش فزا کا رنگ

الٰہی خیر وو ہردم

آج کچھ بے حجاب ہے وہ بھی

جو مہکا رہے تیری یاد سہانی میں

ایک تصویرِ رنگ

اس بات کا خود اسکو

عجب باتیں کھٹکتی ہیں

ایک تبصرہ چھوڑیں

اگلی بار جب میں تبصرہ کروں تو اس براؤزر میں میرا نام، ای میل اور ویب سائٹ محفوظ کریں۔