مرکزی صفحہ اردو نظمپنواڑی
اردو نظمشعر و شاعریمجید امجد

پنواڑی

ایک اردو نظم از مجید امجد

از روبی جہاں
از روبی جہاں 0 تبصرے 544 مناظر

بوڑھا پنواڑی ، اس کے بالوں میں مانگ ہے نیاری
آنکھوں میں جیون کی بجھتی اگنی کی چنگاری
نام کی اک ہَٹی کے اندر بوسیدہ الماری
آگے پیتل کے تختے پر اس کی دنیا ساری
پان ، کتھا ، سگرٹ ، تمباکو ، چونا ، لونگ ، سپاری

عمر اس بوڑھے پنواڑی کی پان لگاتے گزری
چونا گھولتے ، چھالیا کاٹتے ، کتھ پگھلاتے گزری
سگریٹ کی خالی ڈبیوں کے محل سجاتے گزری
کتنے شرابی مشتریوں سے نین ملاتے گزری
چند کسیلے پتوں کی گتھی سلجھاتے گزری

کون اس گتھی کو سلجھائے ، دنیا ایک پہیلی
دو دن ایک پھٹی چادر میں دکھ کی آندھی جھیلی
دو کڑوی سانسیں لیں ، دو چلموں کی راکھ انڈیلی
اور پھر اس کے بعد نہ پوچھو ، کھیل جو ہونی کھیلی
پنواڑی کی ارتھی اُٹھی ، بابا اللہ بیلی

صبح بھجن کی تان منوہر جھنن جھنن لہرائے
ایک چتا کی راکھ ہوا کے جھونکوں میں کھو جائے
شام کو اس کا کمسن بالا بیٹھا پان لگائے
جھن جھن ، ٹھن ٹھن چونے والی کٹوری بجتی جائے
ایک پتنگا دیپک پر جل جائے ، دوسرا آئے

 

مجید امجد

فروری 1944ء​

آپ کو یہ پسند ہو سکتا ہے۔

متعلقہ پوسٹس

آغشتہ خون دل سے سخن تھے زبان پر

رکھیے گردن کو تری تیغ ستم پر ہو سو ہو

زخموں کی طرح شمع دل زار جلی ہے

یہ جو دمکتا نظر آ رہا ہوں باہر سے

ہے کس کی منتظر یہ

وقت بے وقت محبت نہیں اچھی ہوتی

ہیں محوِ حیرتِ دنیا

انساں ہوں گھر گیا ہوں زمیں کے خداؤں میں

جیسے راکھ دمک اٹھتی ہے ، جیسے غبار چمکتا ہے

آگے کی ٹھوکروں سے بچا کر چلا گیا

ایک تبصرہ چھوڑیں

اگلی بار جب میں تبصرہ کروں تو اس براؤزر میں میرا نام، ای میل اور ویب سائٹ محفوظ کریں۔