مرکزی صفحہ اردو نظماِندمال
اردو نظمشعر و شاعریشکیب جلالی

اِندمال

از سائیٹ ایڈمن
از سائیٹ ایڈمن 0 تبصرے 80 مناظر

شام کی سیڑھیاں کتنی کرنوں کا مقتل بنیں

بادِمسموم نے توڑ کر کتنے پتّے سپردِ خزاں کر دیے

بہہ کے مشکیزہِ اَبر سے کتنی بوندیں زمیں کی غذا بن گئیں

غیر ممکن تھا ان کا شمار

تھک گئیں گننے والے ہر اک ہاتھ کی اُنگلیاں

’’ان گنت‘ ‘ کہہ کے آگے بڑھا وقت کاکارواں

ان گنت تھے مرے زخمِ دل

ٹوٹی کرنوں ‘ بکھرتے ہوئے زرد پتّوں ‘ برستی ہوئی بوندیوں کی طرح

اور مرہم بھی ناپَید تھا

لیکن اس روز دیکھا جو اک طفلِ نوزائیدہ کا خندہِ زیرِلَب

زخمِ دل مُندمل ہو گئے سب کے سب!

شکیب جلالی

آپ کو یہ پسند ہو سکتا ہے۔

متعلقہ پوسٹس

کرنوں کے قدم

اردوگرد دیواریں اور درمیاں چہرے

اہل دل فرمائیں کیا درکار ہے

کرتے نہیں ہیں اس سے نیا کچھ ہم اختلاط

کُچھ بتائیں دِل کا شِیشہ چُور کیوں رکھا گیا

کمی ہے کون سی گھر میں دکھانے لگ گئے ہیں

دل گیا مفت اور دکھ پایا

آنکھوں کو اگر دل کا اشارہ نہیں ہوتا

یہ تعلق تری پہچان بنا سکتا تھا

محبتوں میں مجھے مشت بھر کمائی تو دے

ایک تبصرہ چھوڑیں

اگلی بار جب میں تبصرہ کروں تو اس براؤزر میں میرا نام، ای میل اور ویب سائٹ محفوظ کریں۔