مرکزی صفحہ اردو غزلیاتپہلی محبتوں کے زمانے گزر گئے
اردو غزلیاتخاطر غزنویشعر و شاعری

پہلی محبتوں کے زمانے گزر گئے

از سائیٹ ایڈمن
از سائیٹ ایڈمن 0 تبصرے 52 مناظر

پہلی محبتوں کے زمانے گزر گئے
ساحل پہ ریت چھوڑ کے دریا اتر گئے

تیری انا نیاز کی کرنیں بجھا گئی
جذبے جو دل میں ابھرے تھے شرمندہ کر گئے

دل کی فضائیں آ کے کبھی خود بھی دیکھ لو
تم نے جو داغ بخشے تھے کیا کیا نکھر گئے

تیرے بدن کی لو میں کرشمہ نمو کا تھا
غنچے جو تیری سیج پہ جاگے سنور گئے

صدیوں میں چند پھول کھلے اور ثمر بنے
لمحوں میں آندھیوں کے تھپیڑوں سے مر گئے

شب بھر بدن مناتے رہے جشن ماہتاب
آئی سحر تو جیسے اندھیروں سے بھر گئے

محفل میں تیری آئے تھے لے کر نظر کی پیاس
محفل سے تیری لے کے مگر چشم تر گئے

قطرے کی جرأتوں نے صدف سے لیا خراج
دریا سمندروں میں ملے اور مر گئے

خاطر غزنوی

آپ کو یہ پسند ہو سکتا ہے۔

متعلقہ پوسٹس

آؤ

سب خواب میں ہیں کون سنے گا

ایک ڈھونڈو ہزار بیٹھے ہیں

میں جہاں جاؤں تعاقب میں ہے رسوائی مری

ہے کوئی کام ؟ جو کِیا نہیں ہے

گر کوئی اعمیٰ کہے کچھ پر کہاں وہ تو کہاں

گو تغیر سرشتِ خوں ہے میاں

باندھ لیں ہاتھ پہ سینے پہ سجا لیں تم کو

سرشاری

ہم کو مٹا سکے یہ زمانے میں دم نہیں

ایک تبصرہ چھوڑیں

اگلی بار جب میں تبصرہ کروں تو اس براؤزر میں میرا نام، ای میل اور ویب سائٹ محفوظ کریں۔