مرکزی صفحہ اردو غزلیاتبو کیے کمھلائے جاتے ہو نزاکت ہائے رے
اردو غزلیاتشعر و شاعریمیر تقی میر

بو کیے کمھلائے جاتے ہو نزاکت ہائے رے

از مہر کنزیٰ
از مہر کنزیٰ 0 تبصرے 53 مناظر

بو کیے کمھلائے جاتے ہو نزاکت ہائے رے
ہاتھ لگتے میلے ہوتے ہو لطافت ہائے رے

یار بے پروا و مفتر اور میں بے اختیار
پیش کچھ جاتی نہیں منت سماجت ہائے رے

سختی کھینچی کوہکن نے قیس نے رنج و تعب
کیا گئی برباد ان یاروں کی محنت ہائے رے

شور اٹھتا ہے جو ہوتے جلوہ گر ہو ناز سے
کھینچنا قد کا بلا آفت قیامت ہائے رے

خانقہ والے ہی کچھ تنہا نہیں الفت میں خوار
کیسے کیسوں کی گئی ہے مفت عزت ہائے رے

عشق میں افسوس سا افسوس اپنا کرچکے
زیر لب کہتے رہے ہم ایک مدت ہائے رے

ریجھنے ہی کے ہے قابل یار کی ترکیب میر
واہ وا رے چشم و ابرو قد و قامت ہائے رے

میر تقی میر

آپ کو یہ پسند ہو سکتا ہے۔

متعلقہ پوسٹس

وہ تجھ کو دے گا کھانا

غلط کہتے ہو عورت ناچتی ہے

مظلوم کی جو شخص

پیکرِ خاک کب مکمل ہے

جہاں سے تجھ کو روانہ کیا تھا، کہتے ہیں

اداس راتوں میں تیز کافی کی تلخیوں میں

تجھی سے ابتدا ہے تو ہی اک دن انتہا ہوگا

کشمیر کا نوحہ

رات بھر دل سے کہیں شور جرس آتا ہے

ہر طرف بکھرے ہیں رنگیں سائے

ایک تبصرہ چھوڑیں

اگلی بار جب میں تبصرہ کروں تو اس براؤزر میں میرا نام، ای میل اور ویب سائٹ محفوظ کریں۔