مرکزی صفحہ اردو غزلیاتموج ہاتھ آئے تو دریا مانگیں
اردو غزلیاتباقی صدیقیشعر و شاعری

موج ہاتھ آئے تو دریا مانگیں

از مہر کنزیٰ
از مہر کنزیٰ 0 تبصرے 41 مناظر

موج ہاتھ آئے تو دریا مانگیں
درد دل مانگ کے پھر کیا مانگیں

کیا ملا انجمن آرائی سے
کیسے تنہائی سے رستہ مانگیں

دست کوتاہ نہیں دست طلب
مانگنے والوں سے ہم کیا مانگیں

دل کو غم ہائے جہاں سے فرصت
تجھ سے کیا تیری تمنا مانگیں

کس قدر تاب نظر ہے کس کو
کس لئے دیدہ بینا مانگیں

شہر کا شہر کڑی دھوپ میں ہے
کس کی دیوار سے سایہ مانگیں

کبھی قطرے کو بحسرت دیکھیں
کبھی دریا سے نہ قطرہ مانگیں

کبھی اک ذرے میں گم ہو جائیں
کبھی ہم وسعت صحرا مانگیں

تاب نظارا نہیں ہے باقیؔ
پھر بھی ہم طرفہ تماشا مانگیں

باقی صدیقی

آپ کو یہ پسند ہو سکتا ہے۔

متعلقہ پوسٹس

ہم تُند خو ہوئے کہ

اچھوت لوگو

غزل کے سینے میں روز

پاس منزل کے پہنچ کر کوئی موڑا نہ کرے

وقت ہی کم تھا فیصلے کے لیے

ہم یوسفِ زماں تھے ابھی

جب دُکھ یاد آئے , شعر کہا

عجیب خواب اور عجب خیال دیکھتے ہوئے

ذرا غم زدوں کے بھی غم خوار رہنا

راستہ سوچتے رہنے سے کدھر بنتا ہے

ایک تبصرہ چھوڑیں

اگلی بار جب میں تبصرہ کروں تو اس براؤزر میں میرا نام، ای میل اور ویب سائٹ محفوظ کریں۔