مرکزی صفحہ اردو غزلیاتخواہشیں ہوتی ہیں کیا کیا بارشوں کی رات میں
اردو غزلیاتشعر و شاعریناہید ورک

خواہشیں ہوتی ہیں کیا کیا بارشوں کی رات میں

از فضّہ
از فضّہ 0 تبصرے 45 مناظر

خواہشیں ہوتی ہیں کیا کیا بارشوں کی رات میں
میں ہوں اور ہے لمس تیرا بارشوں کی رات میں
مانگتے ہیں بھیگی رُت کے سارے منظر تیرا قُرب
اب میں سمجھاؤں اُنہیں کیا بارشوں کی رات میں
تیرگی میں غم کی سایہ بھی کہاں ہوتا ہے ساتھ
میں اگر ہوتی ہوں تنہا بارشوں کی رات میں
میں یہ سمجھی یہ بھی مارا ہے کسی کے ہجر کا
پھوٹ کر بادل جو رویا بارشوں کی رات میں
دن تو جیسے تیسے دنیا کے جھمیلوں میں کٹا
ہجر نے تیرے رُلایا بارشوں کی رات میں
منہ چھپائے ایک کونے میں پڑی تھی دم بخود
میری تنہائی بھی تنہا بارشوں کی رات میں
دامنِ قاتل پہ کوئی چھینٹ تک آئی نہیں
یوں ہُوا خونِ تمنّا بارشوں کی رات میں

ناہید ورک

آپ کو یہ پسند ہو سکتا ہے۔

متعلقہ پوسٹس

دل کو کر دیتا ہے تسخیر

کس فتنہ قد کی ایسی دھوم آنے کی پڑی ہے

مجھ سے دور رہیں

کیا یا کام انہیں پرسشِ اربابِ وفا سے

پھر ترا کوزہ گر بھرم رکھا

میری اردو بھی اعلیٰ ہے

آ کبھی شام کے علاوہ بھی

کہیں زمیں تو کہیں آسماں پسند کیا

زخم پر چھڑکیں کہاں طفلانِ بے پروا نمک

جہاں سے تجھ کو روانہ کیا تھا، کہتے ہیں

ایک تبصرہ چھوڑیں

اگلی بار جب میں تبصرہ کروں تو اس براؤزر میں میرا نام، ای میل اور ویب سائٹ محفوظ کریں۔