مرکزی صفحہ اردو غزلیاتنظر نظر سے ملاؤگے مارے جاؤ گے
اردو غزلیاتزبیر قیصرشعر و شاعری

نظر نظر سے ملاؤگے مارے جاؤ گے

زبیر قیصر کی ایک اردو غزل

از سائیٹ ایڈمن
از سائیٹ ایڈمن 0 تبصرے 494 مناظر

نظر نظر سے ملاؤگے مارے جاؤ گے

زیادہ بوجھ اٹھاؤ گے مارے جاؤ گے

کوئی نہیں ہے یہاں اعتبار کے قابل

کسی کو راز بتاؤگے مارے جاؤ گے

ہر ایک شاخ پہ چھڑکا ہوا ہے زہر یہاں

شجر کو ہاتھ لگاؤ گے مارے جاؤ گے

جو کاندھے پر ہو وہ گردن اتار لیتا ہے

کسی کو اونچا اٹھاؤ گے مارے جاؤ گے

ہر ایک آئینہ منظر جدا بناتا ہے

نظر کا بوجھ اٹھاؤ گے مارے جاؤ گے

دھوئیں میں ملنا مقدر ہے ان لکیروں کا

ہوا میں نقش بناؤ گے مارے جاؤ گے

یہ نفسیاتی مریضوں کا شہر ہے قیصرؔ

کوئی سوال اٹھاؤ گے مارے جاؤ گے

زبیر قیصر

آپ کو یہ پسند ہو سکتا ہے۔

متعلقہ پوسٹس

جہاں ہوتے کسی چشم ستارہ یاب میں ہوتے

تجھی سے ابتدا ہے تو ہی اک دن انتہا ہوگا

بہت سے لوگ رستے میں کھڑے تھے

ہر داغ ہے داغ زندگی کا

طریق خوب ہے آپس میں آشنائی کا

مرحلہ دل کا نہ تسخیر ہوا

غمِ دوراں سےفرصت کا کوئی لمحہ چرالینا

تم کو دیکھا تو یہ خیال آیا

درونے کو کوئی آہوں سے یوں کب تک ہوا دیوے

بھلا اجڑے گھروندوں سے

ایک تبصرہ چھوڑیں

اگلی بار جب میں تبصرہ کروں تو اس براؤزر میں میرا نام، ای میل اور ویب سائٹ محفوظ کریں۔