مرکزی صفحہ اردو غزلیاتیا مجھے افسرِ شاہانہ بنایا ہوتا
اردو غزلیاتبہادر شاہ ظفرشعر و شاعری

یا مجھے افسرِ شاہانہ بنایا ہوتا

بہادر شاہ ظفر کی اردو غزل

از سائیٹ ایڈمن
از سائیٹ ایڈمن 0 تبصرے 775 مناظر

یا مجھے افسرِ شاہانہ بنایا ہوتا
یا مرا تاج گدایانہ بنایا ہوتا

اپنا دیوانہ بنایا مجھے ہوتا تُو نے
کیوں خرد مند بنایا، نہ بنایا ہوتا

خاکساری کے لئے گرچہ بنایا تھا مجھے
کاش خاکِ درِ جانانہ بنایا ہوتا

تشنہء عشق کا گر ظرف دیا تھا مجھ کو
عمر کا تنگ نہ پیمانہ بنایا ہوتا

دلِ صد چاک بنایا تو بلا سے لیکن
زلفِ مشکیں کا تیرے شانہ بنایا ہوتا

تھا جلانا ہی اگر دوریء ساقی سے مجھے
تو چراغِ در میخانہ بنایا ہوتا

شعلہء حسن چمن میں نہ دکھایا اس نے
ورنہ بلبل کو بھی پروانہ بنایا ہوتا

روز معمورہء دنیا میں خرابی ہے ظفر
ایسی بستی کو تو ویرانہ بنایا ہوتا

(بہادر شاہ ظفر)

آپ کو یہ پسند ہو سکتا ہے۔

متعلقہ پوسٹس

کسی بزرگ پہاڑی پہ تو اترتا ہے

یہ آگہی کی مسافت یہ ہاؤ ہو کی تھکن

وہ جیسے کوہساروں میں ہوا رستہ بناتی ہے

عین ممکن هے کوئی مجھ سا ہی پیاسا لا دے

نذرِ آلام ہوئے جاتے ہیں

موسم بھی نیا اب کے ٹھکانے بھی نئے ہیں

جس کی نہ کوئی رات

میری قسمت کہ وہ اب ہیں میرے غمخواروں میں

ﻣﯿﺎﻥ_ ﻻﻟﮧ ﻭ ﮔﻞ ﺳﺮﺥ ﺭﻭ ﻋﻼﺣﺪﮦ ہے

ہر عیب چھپاتے ہیں

ایک تبصرہ چھوڑیں

اگلی بار جب میں تبصرہ کروں تو اس براؤزر میں میرا نام، ای میل اور ویب سائٹ محفوظ کریں۔