مرکزی صفحہ اردو غزلیاتبندھا رات آنسو کا کچھ تار سا
اردو غزلیاتشعر و شاعریمیر تقی میر

بندھا رات آنسو کا کچھ تار سا

از مہر کنزیٰ
از مہر کنزیٰ 0 تبصرے 76 مناظر

بندھا رات آنسو کا کچھ تار سا
ہوا ابر رحمت گنہگار سا

کوئی سادہ ہی اس کو سادہ کہے
لگے ہے ہمیں تو وہ عیار سا

محبت ہے یا کوئی جی کا ہے روگ
سدا میں تو رہتا ہوں بیمار سا

گل و سرو اچھے سبھی ہیں ولے
نہ نکلا چمن میں کوئی یار سا

جو ایسا ہی تم ہم کو سمجھو ہو سہل
ہمیں بھی یہ جینا ہے دشوار سا

فلک نے بہت کھینچے آزار لیک
نہ پہنچا بہم اس دل آزار سا

مگر آنکھ تیری بھی چپکی کہیں
ٹپکتا ہے چتون سے کچھ پیار سا

چمن ہووے جو انجمن تجھ سے واں
لگے آنکھ میں سب کی گل خار سا

کھڑے منتظر ضعف جو آگیا
گرا اس کے در پر میں دیوار سا

دکھائوں متاع وفا کب اسے
لگا واں تو رہتا ہے بازار سا

عجب کیا جو اس زلف کا سایہ دار
پھرے راتوں کو بھی پری دار سا

نہیں میر مستانہ صحبت کا باب
مصاحب کرو کوئی ہشیار سا

میر تقی میر

آپ کو یہ پسند ہو سکتا ہے۔

متعلقہ پوسٹس

جہاں پہ دوستی ہو اس جگا انائیں کیا

جو زندگی کے ہر ایک دھارے میں جاگتا ہے

گر دل سے بھلائی مری چاہت نہیں جاتی

کسی کی یاد میں آنکھوں کو لال کیا کرنا

کیا چہرے خدا نے دیے ان خوش پسروں کو

بہروپئے!!!!!

اے رنجِ آگہی،کوئی چارہ تو ہو گا نا

میں خوش ہوا کہ بود میں رکھا گیا مجھے

دست بستوں کو اشارہ بھی تو ہو سکتا ہے

خواب،تعبیر سفر میرے سہارے کب تھے

ایک تبصرہ چھوڑیں

اگلی بار جب میں تبصرہ کروں تو اس براؤزر میں میرا نام، ای میل اور ویب سائٹ محفوظ کریں۔