مرکزی صفحہ اردو نظمتمھارے لیے ایک نظم
اردو نظمایوب خاورشعر و شاعری

تمھارے لیے ایک نظم

از سدرۃ المنتہیٰ
از سدرۃ المنتہیٰ 0 تبصرے 56 مناظر

مرے شہر زاد
یہ روز و شب
یہ خیال و خواب
یہ چشم و لب
ترے جسم و جاں کے سبک سراب کی نذر ہیں
مری انگلیوں کی ہر ایک پور میں
تیرے نام کی جتنی آنچ سلگ رہی ہے، دمک رہے ہیں
ترے لیے جو چراغ، وہ سبھی تیرے حسنِ صبا خرام کی نذر ہیں
مرے شہر زاد
یہ شاعری،یہ تخیلات،یہ آرزوئے وصال
ہجر و فراق ،سب ترے صبح و شام کی نذر ہیں
مرا آئینہ،میرے آئینے کے تمام عکس
ترے ستارۂ آب و تاب کی نذر ہیں
مرے رت جگوں کے سبھی حساب
تری کتابِ بدن کے بھیدوں بھرے نصاب کی نذر ہیں
مرے ہر مسامِ خیال میں
جو بسی ہوئی ہیں یہ خوشبوئیں
ترے اس جمالِ سخن مثال کی نذر ہیں
مرے شہر زاد
یہ روز و شب
یہ خیال و خواب
یہ چشم و لب
ترے خد و خال کی نذر ہیں

ایوب خاور 

آپ کو یہ پسند ہو سکتا ہے۔

متعلقہ پوسٹس

گر ہے تو لمحہ لمحہ یہی اک ملال ہے

لہو لہو سا منظر دکھائی ریتا ہے

جئے جاٶں ملن کی آرزو میں

اب تو گھبرا کے یہ کہتے ہیں کہ مر جائیں...

شکوہ جفا کا کیجے تو کہتے ہیں کیا کروں

حاشیہ

وفا کی فصل پھر بونے چلی ہوں

پیروں میں زنجیریں ڈالیں

ہو فرقتوں میں وصال کیسے

زرد موسم

ایک تبصرہ چھوڑیں

اگلی بار جب میں تبصرہ کروں تو اس براؤزر میں میرا نام، ای میل اور ویب سائٹ محفوظ کریں۔