مرکزی صفحہ اردو غزلیاتکسی مجبور کی آنکھوں کے اندر دیکھ لیتا ہوں
اردو غزلیاتایوب صابرشعر و شاعری

کسی مجبور کی آنکھوں کے اندر دیکھ لیتا ہوں

ایک اردو غزل از ایوب صابر

از سائیٹ ایڈمن
از سائیٹ ایڈمن 0 تبصرے 478 مناظر

کسی مجبور کی آنکھوں کے اندر دیکھ لیتا ہوں
میں آنکھیں بند کر کے بھی سمندر دیکھ لیتا ہوں

مجھے جب شاہ کے دربار میں جانے کی خواہش ہو
پھٹی پوشاک میں پھرتا قلندر دیکھ لیتا ہوں

مرے دشمن نے دونوں ہاتھ جو پیچھے چُھپائے ہیں
مگر میں پھر بھی اُس کے پاس خنجر دیکھ لیتا ہوں

میرا وجدان لگتا ہے کہ میرے ساتھ چلتا ہے
میں اپنا سایہ جب قد کے برابر دیکھ لیتا ہوں

میں جب گھر کی سہولت سے یوں ہی بے زار ہو جاؤں
تو جا کے اپنے ہمسائے کا چھپر دیکھ لیتا ہوں

مجھے لگتا ہے مٹی میں کسی نے زہر ڈالا ہے
میں جب اِس گاؤں کی دھرتی کو بنجر دیکھ لیتا ہوں

در و دیوار کی وحشت پریشاں جب کرے صابرؔ
میں اپنے کمرے کی کھڑکی سے باہر دیکھ لیتا ہوں

ایوب صابر

آپ کو یہ پسند ہو سکتا ہے۔

متعلقہ پوسٹس

مجھ کو دن رات سوچنے والا

اشعار

وہ کہتے ہیں، نکلنا اب تو

دیمک زدہ کمرے ہیں

مدّت سے کوئی شور بپا ہو نہیں رہا

شور میرے جنوں کا جس جا ہے

داستان غم دل ان کو سنائی نہ گئی

کیوں بھیجا مجھے تو نے

لب کشا شہرِ ملامت ہے چلو پوچھتے ہیں

اپنا ہونا بنا رہا ہوں میں

ایک تبصرہ چھوڑیں

اگلی بار جب میں تبصرہ کروں تو اس براؤزر میں میرا نام، ای میل اور ویب سائٹ محفوظ کریں۔