مرکزی صفحہ آپکا اردو بابارخصت
آپکا اردو بابااردو نظمشعر و شاعریگلناز کوثر

رخصت

از سائیٹ ایڈمن
از سائیٹ ایڈمن 0 تبصرے 67 مناظر

صبح کی دستک

وال کلاک نے

ٓآنکھیں ملتے ملتے سنی تھی

کمرے کے ساکت سینے میں

آخری منظر

قطرہ قطرہ پگھل رہا تھا

جلتی ہوئی سانسوں کے سائے

دیواروں سے لپٹے ہوئے تھے

میز کی چکنی سطح پہ رکھی

دو آوازیں پگھل رہی تھیں

دو خوابوں کی گیلی تلچھٹ

خالی گلاس میں جمی ہوئی تھی

وقت کی گٹھڑی سے کھسکائے

سارے لمحے

اِک اِک کر کے

بیت چکے تھے

چپ تھے دونوں

لیکن پھر بھی

سادہ سی خاموش نظر کے

پیچھے کہیں ہیجان چھپا تھا

سینے کی مدھم لرزش میں

مانو کوئی طوفان بپا تھا

رُوح کے اندر جیسے کوئی

جاتے لمحے کو

جتنوں سے روک رہا تھا

اور پھر اس نے رخصت چاہی

آخری پل کی آخری مہلت میں

جب بھری بھری نگہ سے

ایک ستارہ چھلک رہا تھا

میں نے بھی پھر رخصت چاہی

گلناز کوثر

آپ کو یہ پسند ہو سکتا ہے۔

متعلقہ پوسٹس

دل شتاب اس بزم عشرت سے اٹھایا چاہیے

ٹوٹا ہوا ہے جتنا بَھلے ، لگ نہیں رہا

ہم اپنا آپ رکھ کر بھول بیٹھے ہیں

انسانوں کا چپ کر جانا ٹھیک نہیں

اقبالؒ اپنے خواب کی تعبیر دیکھ لے

یہ سوچ کر مرا صحرا میں جی نہیں لگتا

فلک سے نکلا ہوں شجرے میں لکھ دیا جائے

منعقد کاش مجلس مل ہو

سب سے بہترین گفتگو

بارِمحراب نہ سجدے سے پتا چلتا ہے

ایک تبصرہ چھوڑیں

اگلی بار جب میں تبصرہ کروں تو اس براؤزر میں میرا نام، ای میل اور ویب سائٹ محفوظ کریں۔