مرکزی صفحہ اردو غزلیاتدشمنِ جاں کوئی مہمان بناتی ہوں میں
اردو غزلیاتشعر و شاعریفرزانہ نیناں

دشمنِ جاں کوئی مہمان بناتی ہوں میں

از فضّہ
از فضّہ 0 تبصرے 53 مناظر

دشمنِ جاں کوئی مہمان بناتی ہوں میں
آج فرزانہ کو نادان بناتی ہوں میں
بخش دیتی ہوں مناظر کو رو پہلا ریشم
جسم کو چاندنی کا تھان بناتی ہوں میں
جان رکھ دیتی ہوں طوطے کے بدن میں اپنی
اور طوطے کو بھی بے جان بناتی ہوں میں
رشتہ طے کرتی ہوں گڑیا کا پڑوسن کے گھر
سارا شادی کا بھی سامان بناتی ہوں میں
شام ڈھلنے سے مجھے دیکھ سحر ہونے تک
کیسے امید کو ارمان بناتی ہوں میں
جانے کس دھن میں سجا کر یہ کرن سا پیکر
خود کو آئینے سے انجان بناتی ہوں میں
یہ کسے دل کی سرائے میں بسا کر نیناں
اس کو اپنے لئے سنسان بناتی ہوں میں

فرزانہ نیناں

آپ کو یہ پسند ہو سکتا ہے۔

متعلقہ پوسٹس

وہ دن گزر گئے ، وہ کیفیت گزرتی نہیں

وہ لب میری نظر کے سامنے ہے

الٹی بساط میکدہ، جام ہوس چلے

طلوعِ صبحِ درخشاں، فروغِ حسنِ بہار

اس اپنی کرن کو آتی ہوئی

ٍشامیانوں کی وضاحت تو نہیں

دل نے کارِ ہنر نہیں چھوڑا

سفر میں دھوپ تو ہوگی

جا ترس آ ہی گیا حشر میں لاچار مجھے

میں نے سوچا کچھ ایسا نصاب لکھتے ہیں

ایک تبصرہ چھوڑیں

اگلی بار جب میں تبصرہ کروں تو اس براؤزر میں میرا نام، ای میل اور ویب سائٹ محفوظ کریں۔