مرکزی صفحہ اردو غزلیاتوداعی بوسہ جبیں پہ رقم کیا جائے
اردو غزلیاتافتخار شاہدشعر و شاعری

وداعی بوسہ جبیں پہ رقم کیا جائے

افتخار شاہد کی ایک اردو غزل

از سائیٹ ایڈمن
از سائیٹ ایڈمن 0 تبصرے 499 مناظر

وداعی بوسہ جبیں پہ رقم کیا جائے
پھر اس کے بعد بچھڑنے کا غم کیا جائے

میں بار بار جو سوتے میں چونک پڑتا ہوں
خیال و خواب کا آنکھوں پہ دم کیا جائے

ندی کی تیز روانی سے پوچھنا یارو
کنارِ آب کو اشکوں سے نم کیا جائے!!!

ابھی بہار کے آنے میں وقت باقی ہے
ابھی تو دشت میں تھوڑا سا رَم کیا جائے

یہاں پہ قیس نے پہلا پڑاو ڈالا تھا
یہاں پہ لازمی گردن کو خم کیا جائے

ذرا سی دیر اندھیروں کا مان رکھتے ہیں
ذرا سی دیر چراغوں کو کم کیا جائے

ہمارے ھاتھ کٹانے سے کچھ نہیں ہو گا
ہماری سوچ کا سر ہی قلم کیا جائے

یہ اشک ہیں تو انہیں پی کے دیکھئے صاحب
یہ آگ ہے تو اسے دل میں ضم کیا جائے

ابھی تو آنکھ گلابی ہوئی نہیں شاھد
ابھی تو ایک دو پیالہ بہم کیا جائے

آپ کو یہ پسند ہو سکتا ہے۔

متعلقہ پوسٹس

دیپ جلتا ہوا دامن سے بجھایا ہم نے

خوش تھا وہ مجھ کو دربدر کر کے

اب وہ خود محوِ علاج

پہلے تو بے وفائی کا صدمہ

جاں دے کے اک تبسم جاناں خریدئیے

یہ تو نہیں فرہاد سے یاری نہیں رکھتے

دل کی دریافت ہے دراصل ولایت کا ہنر

سائپرس کلب

کب کہا ہے کہ مجھے فخر ہے اس جینے پر

آنکھ سے گرتے ہوئے اشک کا شک اُٹھتا ہے

ایک تبصرہ چھوڑیں

اگلی بار جب میں تبصرہ کروں تو اس براؤزر میں میرا نام، ای میل اور ویب سائٹ محفوظ کریں۔