مرکزی صفحہ اردو غزلیاتحادثے زیست کی توقیر بڑھا دیتے ہیں
اردو غزلیاتشعر و شاعریقابل اجمیری

حادثے زیست کی توقیر بڑھا دیتے ہیں

از فضّہ
از فضّہ 0 تبصرے 57 مناظر

حادثے زیست کی توقیر بڑھا دیتے ہیں

اے غم یار تجھے ہم تو دعا دیتے ہیں

تیرے اخلاص کے افسوں ترے وعدوں کے طلسم

ٹوٹ جاتے ہیں تو کچھ اور مزا دیتے ہیں

کوئے محبوب سے چپ چاپ گزرنے والے

عرصۂ زیست میں اک حشر اٹھا دیتے ہیں

ہاں یہی خاک بسر سوختہ ساماں اے دوست

تیرے قدموں میں ستاروں کو جھکا دیتے ہیں

سینہ چاکان محبت کو خبر ہے کہ نہیں

شہر خوباں کے در و بام صدا دیتے ہیں

ہم نے اس کے لب و رخسار کو چھو کر دیکھا

حوصلے آگ کو گلزار بنا دیتے ہیں

قابل اجمیری

آپ کو یہ پسند ہو سکتا ہے۔

متعلقہ پوسٹس

یہ لوگ جس سے اب انکار کرنا چاہتے ہیں

بچھڑ کہ تجھ سے کہاں تک

کہتا ہے ہر مکیں سے مکاں بولتے رہو

اداسی ، نیم تاریکی ، ہوا تازہ نہیں ہے

میں پریشان ہوں نئے گھر سے

اتفاق ایسا ہے کڑھتے ہی سدا رہتے ہیں

دل خدا جانے کس کے پاس رہا

تم کو واپس بلاتی پکاروں کے دکھ

سیلاب

کٹی پتنگ ہوں میں اور بے سہارا ہوں

ایک تبصرہ چھوڑیں

اگلی بار جب میں تبصرہ کروں تو اس براؤزر میں میرا نام، ای میل اور ویب سائٹ محفوظ کریں۔