مرکزی صفحہ اردو غزلیاتہوا دم سادھ لیتی ھے تو پھر ھُو بولتے ھیں
اردو غزلیاترحمان فارسشعر و شاعری

ہوا دم سادھ لیتی ھے تو پھر ھُو بولتے ھیں

رحمان فارس کی ایک غزل

از سائیٹ ایڈمن
از سائیٹ ایڈمن 0 تبصرے 613 مناظر

ہوا دم سادھ لیتی ھے تو پھر ھُو بولتے ھیں
شجر یُوں بولتے ھیں جیسے سادُھو بولتے ھیں

تُم اُس کے شہر کو دو باتوں سے پہچان لینا
کہ گلیاں صاف ھیں اور لوگ اُردو بولتے ھیں

تُم آنکھوں سے جو کرتے ھو اُسے کیا نام دیں ھم ؟
ھمارے شہر میں تو اس کو جادُو بولتے ھیں

بہت شہروں میں شُہرہ ھے مِرے شعروں کا لیکن
مِرے ماں باپ اب بھی مُجھ کو بُدّھو بولتے ھیں

سرِ شب باغ میں جاؤ تو سُننا آنکھ سے تُم
وہ جگ مگ نُور کی بھاشا جو جگنو بولتے ھیں

نہیں ھے استعاروں کی خبر ھم جاھلوں کو
مگر ھم آپ کی آنکھوں کو خوشبُو بولتے ھیں

اُنہی کے مُوڈ پر ھے مُنحصر طرزِ تخاطب
کبھی وہ آپ کہتے ھیں، کبھی تُو بولتے ھیں

اچانک اُڑ گئی جب سے تری یادوں کی کوئل
شبستانِ غزل میں تب سے اُلو بولتے ھیں

الف بے کے بجائے اس میں ھوتے ھیں خدوخال
سمجھتا ھُوں بدن بولی جو خُوش رُو بولتے ھیں

رحمان فارسؔ

آپ کو یہ پسند ہو سکتا ہے۔

متعلقہ پوسٹس

اس ملک کے رہبر ڈاکو ہیں

جہاں ہوتے کسی چشم ستارہ یاب میں ہوتے

آدمی وقت پر گیا ہوگا

یار بھی راہ کی دیوار سمجھتے ہیں مجھے

ذرا ٹھہرو

وہ بتوں نے ڈالے ہیں

اے تعصب زدہ دنیا ترے کردار پہ خاک

نظروں سے ہو گئی غلطی

یہ آگ آگ ہوائیں یہ سرخ سرخ زمیں

خلوتِ بے نشان میں پھول کھلے نشان کے

ایک تبصرہ چھوڑیں

اگلی بار جب میں تبصرہ کروں تو اس براؤزر میں میرا نام، ای میل اور ویب سائٹ محفوظ کریں۔