گیلی ہجر کی قبریں

کفن اس کی رداؤں کا

تعفن ہے صداؤں کا

کہ ہنگامہ سا برپا ہے

خموشی کی اداؤں کا

سلگتی ہے

سسکتی ہے

قیامت سی گزرتی ہے

جو لمحات جدائی کو

کسی اجلی سی چادر میں اٹھاتے ہیں

زمیں میں جیسے مردے کو دبا کر لوٹ آتے ہیں

مگر وہ بھول جاتے ہیں

یہ قبریں ہجر کی نیلی

ہمیشہ گیلی رہتی ہیں

نیل احمد

Related posts

ہر سمت جبر و ظلم کی تاریک شام ہے

ہم ترے نام سے ہر خواب سنوارا کرتے

میں نے سوچا ہے تمہیں