چیونٹیاں

چیونٹیاں

سرمئی رات میں

اپنے خوابوں کو دیوار پر مار کر

پہلے توڑا

پھر اس کی سبھی کرچیاں

اپنے دامن میں بھر کے

سمندر کی موجوں میں ڈال آئے ہم

تھوڑی ہلچل ہوئی

دائرے دائرے سے بکھرنے لگے

نقش چھوڑے بنا

خوشبوؤں کی طرح

خواہشیں ڈوب کر ایسے مرتیں رہیں

جیسے مرتی ہیں پیروں تلے چیونٹیاں

نیل احمد

Related posts

ہر سمت جبر و ظلم کی تاریک شام ہے

ہم ترے نام سے ہر خواب سنوارا کرتے

میں نے سوچا ہے تمہیں