ہزاروں راز پنہاں ہیں شعور خاک کے اندر
زمانے دفن ہیں رمز تہہ بےباک کے اندر
ڈھکے چہروں سے حرمت کے لبادے ہٹ گئے لیکن
ابھی باقی ہیں گنجینے کف ادراک کے اندر
نہیں یہ فکر پستی میں کہاں تک گر گیا ہے خود
جسے دیکھو ہے دوجے کی وہ کھوج و تاک کے اندر
کہیں پر جسم بے بس ہے تلاشی ستر پوشی میں
کہیں انسان نہیں ہوتے حسیں پوشاک کے اندر
پڑے آغوش خاکی میں گوہر دھیرے سے چمکے ہے
غرور بے بہا ہے تو خس و خاشاک کے اندر
اویس خالد