نَک جے مَتھے اُتے ہُندا
کَن جے تَؤون دے پِچھے ہُندے
اَکھاں ہُندیاں موڈھے اُتے
وَکھی وِچ اِک پوچھل ہُندی
نَونہہ جے گٹّیاں اُتے ہُندے
گوڈے دی تھاں پَسلی ہُندی
پَسلی دی تھاں گوڈا ہُندا
بندہ کِڈھا کوجا ہُندا
ایڈا کُگھ منکّا ہُندا
بِجُّو وی جے وِیہندا اونہوں
ڈاہڈا ہکّا بکّا ہُندا
صدقے جائیے سوہنے ربّ دے
جس نیں خاص کرم فرمایا
مٹی دے اس باوے تائیں
کِڈا صورت مند بنایا
انور مسعود