کیہ کہنا ایں میرے تے اتبار نہیں
مطلب تینوں تیرے تے اتبار نہیں
اوہدے پِنڈوں کاں تے آؤندے ہوون گے
مینوں ایس بنیرے تے اعتبار نہیں
نکتے نوں پرکار نے چکر دتا اے
تائیوں گول گھتیرے تے اتبار نہیں
میں اکھّاں تے چُنّی ول کے سونی آں
سفنا کیہنداۓ نھیرے تے اعتبار نہیں
پکھی واسن اکھ دا اللہ حافظ اے
جیہنوں اپنے ڈیرے تے اتبار نہیں
دل دریا اج طاہرہ چڑھیا ہویا اے
ایہدے گھمن گھیرے تے اتبار نہیں
طاہرہ سرا